Taba ye e nkwisitsego bihloko

Nagana fela, konyana ye e se nago molato e bolawa. Lefelo leo ke le ratago kudu Afrika Borwa le tletše ka batho bao ba nago le lehloyo le legolo le dintwa. Le ge Afrika Borwa e le naga ye botse kudu batho ba bangwe ba ba dulago lefelong le ba a e bodiša. Makgabo Bernice Matlala, ngwana wa mengwaga ye mene o kwele bohloko bjo bogolo bjo bo ka se lekantšhwego le selo. Yena o be a dutše le mohlokomedi wa gagwe Rebecca Nqoepe wa mengwaqa ye masomehlanoseswai ka di 8 Matšhe2006, Makgabo o bolailwe gomme Rebecca a katwa ke banna ba bararo. A naa ga o swabe  o bolaya ngwaneno, wa fetša wa hlokofatša mmagwe.

Go kwala gore banna ba pele ba bolaya Mokgabo ba mmofile ka thapo ya mohlagase gomme ba mo kgama ka borokgo bja tatagwe. Go fetšeng ga bona ba tšea DVD, mabonakgole, seyalemoya, le tše dingwe. Potšišo ke gore ke ka lebaka la eng batho bas a nyake mešomo gore ba kgone go ithekela dilo tšeo. Ke ka lebaka la eng bas a tšea tšeo ba di nyakago ba sepela. Nnete ke gore le ge re ikgantšha ka Afrika Borwa, babolai ba dira gore batho ba hloye naga ya borena ka tseo ba di dirago nageng ye. Naa Modimo le Badimo ba re furaletšeng. Setšhaba, gopolang gore mohlare o kobja o sa le nanana. Lefapha la maphodisa le toka swaranang. A re lwantšheng bosenyi.